Búin í prófum eftir fimm daga, þá kem ég brunandi heim!
Nenni eiginlega ekkert að tjá mig í dag, bíðið bara spennt eftir næsta bloggi...
á felgunni
Nú sit ég hér rangeygð af þreytu við tölvuna og reyni að setja saman smá fréttabréf. Svaf í 4 tíma í nótt eftir tæplega sólarhringstörn í stóru hópverkefni sem við skiluðum af okkur í morgun. Við áttum að koma með tillögur að einhverskonar torgi hér á Hvanneyri og í leiðinni tókum við okkur til og breyttum miklu í skipulagi svæðisins. Það er svo erfitt, þegar maður er ókunnugur að átta sig á staðnum, við reyndum að bæta úr því. Þetta var ansi spennandi, því það þyrfti aldeilis að taka til hendinni í skipulagsmálum svæðisins. Við komum með tillögur um að rífa hérna tvö hús og búa til kjarna sem myndi nýtast íbúum, kennurum, nemendum, gestkomandi og ferðamönnum. Þetta verður byggt í kringum "gamla fjósið" og mun bera nafnið "Hvönnin".
Það verður að viðurkennast að þegar við kíktum í heimsókn á Bifröst nú í haust, vottaði fyrir örlítilli öfund í garð nemendasamfélagsins þar. Þar er byggt þétt, öll helsta þjónusta er til staðar, þannig að maður getur bara lagt bílnum langtímum saman. Það sem aðgreinir þessi háskólaþorp er að hjá okkur er aðeins minna um peninga, það hefur allt að segja! Ég ímynda mér að þar sé líka meir skjól fyrir rokinu, sem ætlar öllu um koll að keyra -sérstaklega okkur beljunum á svellinu.
Það verður að viðurkennast að þegar við kíktum í heimsókn á Bifröst nú í haust, vottaði fyrir örlítilli öfund í garð nemendasamfélagsins þar. Þar er byggt þétt, öll helsta þjónusta er til staðar, þannig að maður getur bara lagt bílnum langtímum saman. Það sem aðgreinir þessi háskólaþorp er að hjá okkur er aðeins minna um peninga, það hefur allt að segja! Ég ímynda mér að þar sé líka meir skjól fyrir rokinu, sem ætlar öllu um koll að keyra -sérstaklega okkur beljunum á svellinu.
zzz...Ég vona að ég hafi ekki svæft marga með þessu röfli, ég rétt svo næ að halda mér á stólnum, og dreg ýsur eins og mér sé borgað fyrir það.
Hasta la vista
hó, hó, hó
Ja hérna megin, mikið líður tíminn hratt á gerfihnattaöld. Það er óþægilega stutt í jólaprófin hjá mér, eða 11 dagar. Nú þarf helgan að hífa upp um sig buxurnar og bretta upp ermarnar til þess að ná f***ins prófunum. Ég er ein af þeim sem nenna nú ekki alveg að leggja sig 100% fram og útkoman er yfirleitt í samræmi við það. Erfitt að kenna gamalli tík að setjast.
Talandi um hunda, hún elskuleg Týran mín er að gera mömmu alveg hvíthærða heima. Þetta dýr er algjört matargat, og þegar það stendur mikið til í næsta húsi, vill T. dvelja tímunum saman út í garði. Hún sest á sólpallinn og starir í átt að húsinu, nú fyrst að það dugir ekki verður maður nú að prufa að gelta hátt- þá fær maður kannski sendingu að handan til að þagga niður í manni! Þetta klikkaði ekki þegar helgan var að kokka og laga til í ísskápunum.
Þetta háttalag hjá mannfólkinu hefur alið af sér dekudýr og frekjuhund, ég get bara lítið gert í þessu hinum megin á landinu. Bý núna á heimavist en nú er útlit fyrir að ég sé að fara að leigja með náunga sem er einu ári á undan mér í umskinu. Hann er víst draumur í dós, bakar og eldar á milljón og prjónar í hjáverkun. Þá get ég bara legið upp í sófa haft það kósý meðan hann þrælar. Nei djók
Býst við að fara og kíkja á íbúðina hjá honum á eftir, kannski gengur þetta barasta ekkert upp, þá fer ég bara á nemendagarðana og fæ herbergi þar. Allt betra en vistin, nota bene.
Talandi um hunda, hún elskuleg Týran mín er að gera mömmu alveg hvíthærða heima. Þetta dýr er algjört matargat, og þegar það stendur mikið til í næsta húsi, vill T. dvelja tímunum saman út í garði. Hún sest á sólpallinn og starir í átt að húsinu, nú fyrst að það dugir ekki verður maður nú að prufa að gelta hátt- þá fær maður kannski sendingu að handan til að þagga niður í manni! Þetta klikkaði ekki þegar helgan var að kokka og laga til í ísskápunum.
Þetta háttalag hjá mannfólkinu hefur alið af sér dekudýr og frekjuhund, ég get bara lítið gert í þessu hinum megin á landinu. Bý núna á heimavist en nú er útlit fyrir að ég sé að fara að leigja með náunga sem er einu ári á undan mér í umskinu. Hann er víst draumur í dós, bakar og eldar á milljón og prjónar í hjáverkun. Þá get ég bara legið upp í sófa haft það kósý meðan hann þrælar. Nei djók
Býst við að fara og kíkja á íbúðina hjá honum á eftir, kannski gengur þetta barasta ekkert upp, þá fer ég bara á nemendagarðana og fæ herbergi þar. Allt betra en vistin, nota bene.
gleðinnar dyr og mottan
Nú sit ég hér nokkuð þreytt og smá þunn og reyni að blogga, það tekur illilega á að vaka svona frameftir. Árshátíðin lukkaðist ágætlega og ég drakk óhemju magn af áfengi. Stútaði heilli rósavín(sofnaði ekki ofaní desertinn!) og drakk 9 bjóra frá kl 18 til ca3. Tók meira að segja í vörina eins og alvöru bóndi. Þrátt fyrir þetta óhemjumagn var ég ekki einu sinni "kennd"! Vegir Bakkusar eru órannsakanlegir skal ég segja þér. Hef nú drepist við minna magn en þetta. Fer kannski eftir líkams ástandi en eftir að vera búin að drekka í 12 ár hef ég ekki enn lært hvað skal gera og ekki gera. Þeir sem þekkja mig vita þetta, en ég á baki skrautlegan feril í þessum málum.
Kíkti í eftirpartý á nemendagörðunum hjá stuðboltunum í búvísindunum, þar var lifandi músík, einhver gaur með gítar, hann leit alveg eins og rauðhærður Guðni Ágústson með krullur, á mínu reki- hlýtur að vera skyldur honum. Á annars Landbúnaðarráðherrann ekki einhver 15 systkini og líklegt að þetta sé frændi hans -eða hvað? Sigurður FF lét sig ekki vanta og mætti með forláta bongótrommur úr vísundahúð. Þetta fór vel í mannskapinn. Ég vildi að ég væri svona partýljón og hrókur alls fagnaðar en þegar klukkan er að verða 6 um morguninn fer Óli lokbrá að kalla mann til sín og þá er maður nú ekkert líklegur til stórræða. Gat þetta í gamla daga en ekki núna langt gengin í þrítugt -það er byrjað að slá svakalega í mann!
Jæja, nú þarf ég að fá mér þynnkumat, sem er gömul túnfisk samloka. Að því loknu ætla ég að halla mér aðeins svo að ég geti einbeitt mér að náminu.
Kíkti í eftirpartý á nemendagörðunum hjá stuðboltunum í búvísindunum, þar var lifandi músík, einhver gaur með gítar, hann leit alveg eins og rauðhærður Guðni Ágústson með krullur, á mínu reki- hlýtur að vera skyldur honum. Á annars Landbúnaðarráðherrann ekki einhver 15 systkini og líklegt að þetta sé frændi hans -eða hvað? Sigurður FF lét sig ekki vanta og mætti með forláta bongótrommur úr vísundahúð. Þetta fór vel í mannskapinn. Ég vildi að ég væri svona partýljón og hrókur alls fagnaðar en þegar klukkan er að verða 6 um morguninn fer Óli lokbrá að kalla mann til sín og þá er maður nú ekkert líklegur til stórræða. Gat þetta í gamla daga en ekki núna langt gengin í þrítugt -það er byrjað að slá svakalega í mann!
Jæja, nú þarf ég að fá mér þynnkumat, sem er gömul túnfisk samloka. Að því loknu ætla ég að halla mér aðeins svo að ég geti einbeitt mér að náminu.
p.s. birt án ábyrgðar á stafsetningarvillum
flassbakk
Já hérna, tíminn bara æðir áfram. Vikan búin og ég á leiðinni á árshátíð LBH annað kvöld. Þegar ég vil gera mig fína vil ég amk fara í einn ljósatíma og eini staðurinn hér sem er með ljósabekk er íþróttamiðstöðin í Borganesi. Fínn bekkur en byggingin er forljót- sami arkitekt hlýtur að vera, og hannaði íþróttahúsið í Bolungarvík! Það fór um mig hrollur, þó ekki sælu, heldur minntist ég þess með hryllingi þegar maður eyddi heilum laugardegi í gamla daga á Íþróttahátíðinni í gaggó. Alltaf var jafn mikill rígur á milli Íso og Bolo. Blendnar tilfinningar, ekkert sérstaklega gaman þarna, skemmtilegra var þegar maður fór á ball og drakk frá sér rænu með matskeið af vodka útí kók í "bauk". Kannski var þetta ímyndunarfyllerí en þau eru langbest- minni timburmenn.
Svo er víst systursonur Kristínar Sverris hér í skólanum, en hún kenndi okkur einmitt á þessum árum, man samt helst eftir því að vera spila spil frekar en að fá fræðslu. Ég man ekk einu sinni hvaða fag hún kenndi, en hún var allavegana mikill kynjakvistur. Ég á eftir að spyrja hann frekar spjörunum úr, eins og hvað varð eiginlega um hana Stínu og líka hann Chris Búndú eða hvað sem hann nú hét.
En nóg af fortíðarþrá, framtíðin er morgundagurinn í einhverju félagsheimili í Hvalfirði. Maður skellir sér bara út í djúpi laugina, því ég veit ekkert hvað má búast við nema : hittast smá pre-ball, skella sér í rútu, mæta uppstrílaður og borða fínan mat, og hljómsveit spilar. Á maður að fara í kjól og hæla eða eru tútturnar og lopafílingurinn málið?
Taka tvö
Nú er maður aldeilis endurnærður eftir helgina, sem ég eyddi faðmi stórfjölskyldunnar vestur á Ísafjördur City. Litla prinsessan fékk nafnið Dagbjört Stjarna, þið getið fundið hana á Barnalandi.is ef þið viljið skoðana. Ég kynntist líka fjölskyldunni hans Davíðs, þau vildu meira að segja taka mig í fóstur aðfaranótt mánudagsins þegar ég þurfti að vera í Bænum. Þau eru mjög svo fín og líka allt heima hjá þeim. Náði meira að segja að hitta flesta af "Rokk" fjölskyldunni á Seltjarnanesi, af því að ég var dregin á barnadanssýningu á sunnudeginum. Um kvöldið skellti ég mér á hina óborganlegu Bridget Jones, sem var ágætisafþreying. Gömul og kunnuleg lög -einnig söguþráðurinn...
Á Hvanneyri tekur svo alvara lífsins við, á Heimavist dauðans. Finnst ykkur ekki gott að koma heim og láta hrossaskítsilminn úr sturtuniðurfallinu taka á móti ykkur þegar þið opnið hurðina? Fyrr má nú rota en dauðrota, þetta er nú meiri mínus heldur en "kjöt-í-myrkri" dæmið í hverju hádegi !! Kemur fyrir að það er dulbúinn fiskur og annar matur sem er ómögulegt að rekja, réttara sagt vill ekki vita. Skolað svo niður með skólpi til þess að fá koffín skammtinn sinn, það er ekki eins og það sé eitthvað brjálað stuð til þess að maður haldi sér vakandi. sei la ví :)
Á Hvanneyri tekur svo alvara lífsins við, á Heimavist dauðans. Finnst ykkur ekki gott að koma heim og láta hrossaskítsilminn úr sturtuniðurfallinu taka á móti ykkur þegar þið opnið hurðina? Fyrr má nú rota en dauðrota, þetta er nú meiri mínus heldur en "kjöt-í-myrkri" dæmið í hverju hádegi !! Kemur fyrir að það er dulbúinn fiskur og annar matur sem er ómögulegt að rekja, réttara sagt vill ekki vita. Skolað svo niður með skólpi til þess að fá koffín skammtinn sinn, það er ekki eins og það sé eitthvað brjálað stuð til þess að maður haldi sér vakandi. sei la ví :)
skamm, skamm
Þegar maður lætur svona langan tíma líða, þá gleymir maður hvernig maður á að fara að!
Af hverju tekur þessi póstur svona mikið pláss? halló, bara tvær línur!
er ég kem heim í...
Er komin á heimaslóðir og er í góðu atlæti hjá gamla settinu. Þetta er ágætis tilbreyting frá námsmannalífinu. Er bara að tjilla með öllara í þessum töluðum orðum. Er á leiðinni í SJALLANN í Isafjördur down town til þess að taka þátt í einhverjum róna leik sem ber heitið Drekktu betur. Læt ekki slíkt tilefni framhjá mér fara. Sigurliðið hlýtur 2 bjórkassa að launum fyrir að vera ekki alltof drukkin í spurningaleik. Þangað til .........zzzzzzzzzz
Hangi löngum stundum
Ég á mér lítið líf þessa dagana, er nú byrjuð í próflestri fyrir stærðfræðipróf á miðvikudag. Það er það eina sem ég þarf að gera í næstu viku, þannig að ég var að pæla, fyrst að ég þarf ekkert að mæta í tíma fyrr en eftir viku, að skella mér á Hótel Mömmu í nokkra daga. Ég sakna Týru minnar aðallega.
Ákvað að prufa að blogga af því að mér finnst ég hafa nægan tíma til þess. Kann kannski ekki alveg nógu vel á þetta allt saman, er að reyna að klóra mig áfram í þessu alein. Það ætlar að vera eitthvað rosa flókið að setja inn myndir hjá mér en vonandi finn ég útúr því fljótlega.
Ákvað að prufa að blogga af því að mér finnst ég hafa nægan tíma til þess. Kann kannski ekki alveg nógu vel á þetta allt saman, er að reyna að klóra mig áfram í þessu alein. Það ætlar að vera eitthvað rosa flókið að setja inn myndir hjá mér en vonandi finn ég útúr því fljótlega.
Gerast áskrifandi að:
Færslur (Atom)
